غذر۔6نومبر (اے پی پی):وزیراعظم محمد شہباز شریف آکھیا جو گلگت بلتس??ان اچ میگا ترقیاتی منصوبے پورے تھیوݨ نال ترقی تے خوشحالی دا نواں دور شروع تھیسی، اساکوں آپݨے نینگراں کوں انفارمیشن ٹیکنا??وج?? ٹریننگ ݙیوݨی چاہیدی اے۔ سعودی عرب اتے خلیجی ملکاں اچ جدید شعبیاں اچ ہنرمندی افرادی قوت کیتے ٻہوں موقع موجود ہن۔ گلگت بلتس??ان اچ سیاحت دے ودھارے نال اے خطہ خوشحال تھیسی۔ اے ڳالھیں انہاں بدھ کوں گلگت بلتس??ان اچ کئی منصوبیاں دا منݙھ بدھݨ دے موقع تے صحافیاں نال ڳالھ مہاڑ کریندیں ہوئیں آکھی۔ انہاں آکھیا جو گلگت بلتس??ان دے عطیم اتے محب وطن ٻھیݨ بھراواں نال مل تے خوشی تھئی اے، غذر دے علاقے دا اڄ دورہ کیتے جتھ 2022 اچ قدرتی آفت آئی ہئی اتے اتھاں پوری وستی دا نشان مٹ ڳئیا ہئی۔ اگست 2022 اچ اتھاں داد ورہ کیتا ہئی، تباہی ݙیکھ تے ݙکھ تھیا۔ ہک نشوم ٻالڑی اتے انہاں دے والد جیندے بچیے ہن۔ اوں ویلھے وستی دی بحالی دی ہدایت کیتی ہئی، اتھاں دے لوک اڄ آپݨے گھراں دے مالک ٻݨ ڳئن۔ جیندے بچݨ آلی قوم دی دھی کیتے حکومت پاکس??ان پنڄاہ لکھ روپے انہاں دے اکاؤںٹ اچ جمع کرائے ہن جیڑھے جو اڄ 67 لکھ روپے تھی ڳئن۔ انہاں آکھیا جو گلگت بلتس??ان اچ سردیاں اچ بجلی دا مسئلہ ودھ ویندے، کجھ علاقیاں اچ پاݨی دے مسئل اتے یونیورسٹیاں اچ ذہین طالب علماں دی تعلیم سودھے انفراسٹرکچر دے منصوبیاں تے تفصیلی ڳالھ مہاڑ د?? بعد ٹھوس فیصلے کیتن۔ انہاں آکھیا جو گلگت بلتس??ان اچ پن بجلی دے ݙو منصوبیاں دا منݙھ بدھیے۔ اے منصوبے پورے تھیوݨ توں پہلے جیا??وج??کل سروے سودھے ٻںے مسئلیاں پاروں لمبا ویلھا چاہیدا ہوندے۔ انہاں آکھیا جو سردیاں اچ بجلی دی منڳ 450 میگا واٹ تئیں پڄ ویندی اے جیڑھا جو وݙا چیلنج اے۔ ٹیکنیکل یونیورسٹی دا منڈھ بدھیے۔ انہاں آکھیا جو وفاقی حکومت گلگت بلتس??ان کیتے بجلی دی منڳ پورا کرݨ کیتے فوری ہک سو میگاواٹ شمسی توانائی دا منصوبہ لیسی جیڑھا جو ہک سال اچ پورا تھی ویسی۔ وزیراعظم آکھیا جو بلتس??ان یونیورسٹی اتے قراقرم یونیورسٹی اچ پڑھݨ آلے طلبا اچوں جیڑھے فیس نی ݙے سڳدے ایں مد اچ ݙوہیں یونیورسٹیاں کیتے پنڄاہ پنڄاہ کروڑ روپے دا فنڈ رکھیسوں جئیں نال انہاں ط??با کوں وظیفے ݙتے ویسن۔ انہاں آکھیا جو سیکرٹری مواصلات شاہراہاں دے معاملے حل کیتے پورے گلگت بلتس??ان دا دورہ کریسن۔ وزیر منصوبہ بندی و ترقی احسن اقبال، وزیر امور کشمیر و گلگت بلتس??ان امیر مقام، سیکرٹری وزارت امور کشمیر، وزیراعلیٰ گلگت بلتس??ان اتے چیف سیکرٹری گلگت بلتس??ان کوں عوام دے مسئلیاں بارے تفصیلی ڳالھ مہاڑ دی ہدایت کیتی۔ وزیراعظم آکھیا جو انفارمیشن ٹیکنا??وج?? دی تربیت کوں تکھے ودھیندے پئیوں۔ ایں نال نینگراں دا فیدہ تھیسی۔ انہاں آکھیا جو گلگت بلتس??ان دے غیور اتے بہادر عوام عظیم قربانیاں ݙے تے ڈوگرہ راج توں آزادی حاصل کیتی۔ انہاں یقین ݙوایا جو شہیداں دی قربانیاں چاہے قیام پاکس??ان کیتے ہوون یا گلگت بلتس??ان کیتے ہوون اساݙے بزرگاں دیاں قربانیاں ضائع نہ ویسن۔ انہاں آکھیا جو گلگت بلتس??ان سوھݨا علاقہ اے، اتھ سیاحت دے ودھارے کیتے دورہ قطر اتے سعودی عرب اچ ڳالھ کیتی اے۔ ایں علاقے اچ سیاحت دے ودھارے کیتے سرمایہ کاری تھیسی۔ پاکس??ان اقوام عالم اچ آپݨا ونڄیا ہوئیا مقام حاصل کریسی۔
گلگت بلتستان اچ میگا ترقیاتی منصوبے پورے تھیوݨ نال ترقی تے خوشحالی دا نواں دور شروع تھیسی، اساکوں آپݨے نینگراں کوں انفارمیشن ٹیکنالوجی ٹریننگ ݙیوݨی چاہیدی اے، وزیراعظم شہباز شریف دی میڈیا نال ڳالھ مہاڑ
مضمون کا ماخذ : پاور بال کے اعدادوشمار
متعلقہ مضامین
