اسلام آباد 05 ستمبر (اے پي پي) وزيراعظم محمد شهباز شريف وئيلي دي حکومت د سيلاب ځپليو ريسکيو او ريليف په هلو ځلو كښې مصروف دے، د سيلاب ځپليو بحالي او د تعميرنو لويو چيلنجونو مقابلي لپاره وسائل ته ضرورت دے، پاکستان او امريکا ترمينځه د احترام، اعتماد او افهام و تفهيم تر مخه د اړيكو تعميري او كوټلو رابطو ته اړتيا ده۔د وزيراعظم آفس ميډيا ونګ د اړخه جاري شوې پريس ريليز له مخې د پاکستان په دوره راغلې د کانګريس وومن شيلا جيکسن لي په مشرۍ كښې د امريكې پلاوي وزيراعظم سره ملاقات کرے۔پلاوي كښې د کانګريس مين تھامس سوزي او آل ګرين شامل وو۔په دې موقع وزيراعظم د امريکې کانګريس پلاوې په نازك صورتحال كښې د پاکستان دوره ستائلو سره ووئيل حکومت د سيلاب ځپليو ريسکيو او د ريليف په هلو ځلو كښې بوښت دے ، 3 کروړه 30 لکهه څخه زيات وګړي ځپلې شوي ، 1300 څخه زيات كسان مړه شوي ، زراعت، لائيو سټاك ، املاك او انفراسټرکچر ته لوي زيان رسيدلے ۔ده ووئيل د بحالۍ او تعميرنو په مهال سختو چيلنجونو سره مخ يو ٬ دې لپاره وسائل او عزم ته اړتيا ده ، په دې تناظر كښې د نړيوالي ورورولۍ د اړخه پرله پسې مرسته، يکجهتي او مرستي ته اړتيا ده۔ وزيراعظم د پاکستان او امريکې ترمينځه موجوده اړيكو كښې په ښه والي د اطمينان څرګندونې سره ووئيل د دواړه هېوادونو ترمينځه تعميري او كوټلو خبرو اترو ته اړتيا ده كومې چې په شريك احترام او باور اډانه وي۔پلاوي په دې مهال د سندھ دوره وكړه دغسې چې د زيان او ځپليو د تکليفونو جاج واخستلے شي۔پلاوي په دې مهال د مهمو ډلو سره ملاقاتونه هم وكړل دغسې چې د ځپليو د بحالۍ په هڅو كښې د مرستي تګلاري ولټولې شي۔ د کانګريس وومن شيلا جيکسن لي د سيلاب ځپليو او په خاص توګه د مړو كسانو كورنيو لپاره د همدردۍ څرګندونې سره د وزيراعظم شهباز شريف هلي ځلې هم وستائلي۔
د سيلاب ځپليو بحالي او د تعميرنو لويو چيلنجونو مقابلي لپاره وسائل ته ضرورت دے ۔ د وزيراعظم محمد شهباز شريف د کانګريس وومن شيلا جيکسن لي په مشرۍ كښې د امريکې پلاوي سره خبرې
مضمون کا ماخذ : پاکستان کی لاٹری کی تاریخ
متعلقہ مضامین
