اسلام آباد 23 جولائي (اے پي پي) حكمران اتحاد د پاكستان چيف جسټس څخه د پنجاب وزيراعلٰی ټاكنې په اړه د مقدمې سماعت لپاره د فل كورټ كولو استدعا وكړه او وئيلې ئې دي چې فل كورټ دې د سپريم كورټ د نظر ثانې په خواست، موجوده خواست او نورو اړوند خواستونو يو ځائ پرېكړه وكړي، دا ډېر مهم قومي، سياسي او آئيني معاملات دي. د خالي په ورځ جاري شوې شريكې اعلاميې له مخې په حكمران اتحاد كښې شامل ټول ګوندونه د پاكستان د ستر قاضي څخه غوښته كوي چې د پنجاب وزيراعلٰی ټاكنې په اړه د مقدمې سماعت لپاره دې فل كورټ وكړې شي. د شريكې اعلاميې له مخې عمران خان پرله پسې په سياست كښې انتشار پېدا كوي او مقصد ئې د احتساب نه بچ كېدل، خپل كرپشن پټول او د غله د دروازې څخه اقتدار ترلاسه كول دي. په اعلاميه كښې وئيلي شوي دي چې په هر فورم او مېدان به ټول اتحادي ګوندونه په ګډه مخ په وړاندې ځي او د فسطائيت د تيارو به په مړانه مقابله كوي.
حكمران اتحاد د پاكستان چيف جسټس څخه د پنجاب وزيراعلٰی ټاكنې په اړه د مقدمې سماعت لپاره د فل كورټ كولو استدعا وكړه
مضمون کا ماخذ : ولف گولڈ
متعلقہ مضامین
