اسلام آباد 11 جنوري (اے پي پي) وزيراعظم عمران خان وئيلي دي برآمدات او د ټېکس محصولات زياتولو ته حكومت پام لرنه كوي، د ګرانۍ نړيوالې چپې څخه د ګردې نړۍ په ډول پاكستان هم سخت ځپلے شوے خو د منطقې د نورو هېوادونو په نسبت اوس هم پاكستان كښې ډېره ارزاني ده ٬ يو حكومت ته هم زمونږ په ډول چېلنجونه نه وٶ رامخې ته شوي خو د دې باوجود د ستونزمندې وضعې نه راوتي يو ٬ د لاندې طبقې راپورته كولو لپاره هڅې كوٶ، سېلګري، آئي ټي او د كركيلې څانګو كښې بلها موقعې موجود دي٬ صنعتكارو او سرمايه دارو لپاره سهولتونه او آسانۍ راپېدا كوٶ او د ټېكس كلتور ته به وده وركوٶ۔ د دې خيالاتو څرګندونه ده د نهې په ورځ د راولپېنډي چېمبر آف کامرس اېنډ انډسټري تر سېوري لاندې 14م انټرنېشنل چېمبرز سمټ پرانستې دستورې ته خپلې وېنا كښې وكړه۔ وزيراعظم ووئيل د كرپشن له امله د رنګ روډ منصوبه د تاخير ښكار شوې٬ د دغې الائنمنټ غلط شوے ٶ۔ وزيراعظم ووئيل صنعتونه لګولو لپاره سرکاري زمكې په ليز د وركولو پرېكړه شوې٬ په هېواد كښې صنعتي زونز جوړولو لپاره به هر ډول ممكنه سهولتونه وركوٶ، بنګله دېش او نورو هېوادونو كښې صنعتي زونز ته ټوله سهولتونه وركولې شي٬ خو دلته په ماضي كښې انډسټريل زونز ډيکليئرډ كړې شوي خو سهولتونه نه دي وركړې شوي ٬ ده ووئېل اوس به زه په هره اونۍ په خاص اكنامك زونز كښې د سهولتونو د وركولو جاج اخلم۔ وزيراعظم عمران خان ووئيل د مدينې رياست د نړۍ په تاريخ كښې زيات كامياب ماډل دے٬ د مدينې د رياست مطلب د اولس په ژوند كښې مثبت انقلاب راوستل دے، مونږ د مدينې رياست په ځالانده اصولو عمل كولو سره خپل ژوندون كښې بهتري راوستلې شو۔ وزيراعظم ووئيل د نړۍ په تاريخ كښې چې كومه ټولنه هم كاميابه شوې ھغوي د مدينې د رياست اصول خپلول كړي او كامياب شوي، د مدينې په رياست كښې د قانون حکمراني، سرلوړي او انصاف ٶ، زمونږ ستړې هم په هېواد كښې د قانون سرلوړي لپاره دي خو طاقتور مافياز نه غواړي چې په هېواد كښې د قانون سرلوړي وي، ده ووئېل زما د 22 كالو سياسي هڅې د كرپشن په ضد دي، زه د كرپشن په ضد هڅې جهاد ګڼم، د کرپشن په ضد جنګ يوازې عمران خان له نه ټولې معاشرې له كول دي۔ وزيراعظم ووئيل د نړيوالې ګرانۍ اثرات څخه اولس ساتلو لپاره اقدامات كوٶ٬ د افغانستان صورتحال څخه هم پاکستان ځپلے شوے خو مونږ د ټولو چېلنجونو مخنيوي لپاره اقدامات كړي چې په سبب ئې اوس د هېواد برآمدات، ترسيلات زر او په محصولات كښې ځانګړې اضافه روانه ده۔ وزيراعظم عمران خان ووئيل د 6 زره اربه روپو رېكارډ محصولات جمع كړے شوي٬ د هېواد د 31 اربه ډالرو برآمدات په تاريخ كښې ډېر زيات دي۔ وزيراعظم ووئيل په يو كال كښې د هدف نه 1300 اربه روپۍ اضافي ټېكس محصولات راجمع شوي۔ وزيراعظم ووئيل په هېواد كښې به صنعتي انقلاب سره خوشحالي راشي، په لويه كچه د صنعتونو شرح نمو 15 فيصد رېكارډ شوې او کارپوريټ پرافټس 230 اربه روپۍ دے۔ وزيراعظم ووئيل د آئي ټي برآمدات 70 فيصده اضافې سره د 3.50 اربه ډالره كچه ته رسېدلي، په ماضي كښې دا څانګه نظر انداز كړې شوې، اوس مونږ په دې كار كوٶ ځكه چې په دې كښې زمونږ سباٶن دے۔ وزيراعظم عمران خان ووئيل د تعميرات او زراعت څانګې له امله مونږ د كرونا صورتحال باوجود محفوظ يو٬ د زرعي څانګې په آمدن كښې 1100 اربه روپۍ اضافه شوې ، كليوالو سيمو ته پېسه رسېدلې چې په سبب ئې د موټرسائيكل او ګاډو خرڅ زيات شوے۔ وزيراعظم ووئيل حکومت برآمدي صنعت لپاره مراعات او سهولتونه وركولو ته پام لرنه كوي٬ د كرنټ اكاٶنټس خسارې څخه هېواد ساتلو لپاره به برآمدات زياتول وي او د ټېكس كلتور ته به وده وركول وي۔ ده ووئيل پاکستان كښې د نړۍ د نورو هېوادونو په نسبت كم ټېكس وركړے كېږي٬ ټېكس زياتولو لپاره به په هېواد كښې دې كلتور ته وده وركول وي۔ وزيراعظم ووئيل د هېواد بې وسه طبقه راپورته كولو لپاره اقدامات كوو، د امريكې غونډې هېواد كښې هم وګړي هېلته انشورنس نه لري، زمونږ حكومت هرې كورنۍ ته د لس لكه روپو هېلته انشورنس وركوي چې د لارې به ئې د دارو درملو بهترين سهولتونه ترلاسه شي۔ وزيراعظم ووئيل ريټيل مارکيټ كښې د ډاکومنټيشن او ټيکس کليکشن زياتولو ضرورت دے٬ مونږ د آټوميشن نظام راوړٶ۔ وزيراعظم ووئيل د سېلګرۍ، زراعت او د آئي ټي په څانګو كښې پراخه موقعې موجود دي كومو څخه چې استفادې ته اړتيا ده٬ ده ووئېل دا وختي كمے زياتے دے، سپلائي چين معمول ته د راتللو نه پس به صورتحال ښه شي او پاكستان به د بزنس كميونټي په مرسته د 60 د لسيزې په ډول په تندۍ سره ترقي كونكے هېواد جوړ شي ۔ د يادونې ور ده د راولپېنډي چېمبر آف کامرس اېنډ انډسټري تر سېوري لاندې په دې سمټ كښې د هېواد د 54 نه زيات د رېګولر چمېبرز ٬ د 10 سمال چېمبرز او 13 وېمن چېمبر صدرانو نه علاوه د سياسي ګوندونو، وزارتونو، پرمختيائي شراکت دارو، سرکاري ادارو او د نړيوالې كاروباري ورورولۍ نمائندګان ګډون كوي۔ دې سمټ سره به نه يوازې كاروباريانو ته د خپلو تجارتي مسئلو حل لتولو موقع په لاس ورشي بلكې په هېواد كښې كاروبار دوسته پاليسۍ جورولو لپاره به اړوندو حلقو ته عملي تجويزونه هم وركړے شي
برآمدات او د ټېکس محصولات زياتولو ته حكومت پام لرنه كوي ، د ګرانۍ نړيوالې چپې څخه د ګردې نړۍ په ډول پاكستان هم سخت ځپلے شوے۔ د وزيراعظم عمران خان د انټرنېشنل چېمبرز سمټ پرانستې غونډه ته وېنا
مضمون کا ماخذ : سامراا سپلٹ
متعلقہ مضامین
.jpg)
