اسلام آباد ۔ 12 مئی (اے پی پی)پاکستان مسلم لیگ (ن) دے صدر اتے وزیراعلیٰ پنجاب شہباز شریف آکھے جو جنوبی ایشیاءاچ چنگے مستقبل دے خواب کوں پورا کرنڑ سانگے اسلحے دی دوڑ کوں خدا حافظ آکھنڑ اں ہوسی ۔ خطے اچ ہمسائے ملکاں دے نال پرامن گانڈھا اساڈی ترجیحات اچ ساریاں توں اُتے ہے ، افغانستان اچ امن نال پاکستان دا امن براہ راست جڑیا ہویا ہے ، مقبوضہ کشمیر اچ ہتھوں خالی کشمیریاں اُتے قابض بھارتی فوج دے شدید ظلم و ستم کوں عالمی برادری ڈیکھدی پئی ہے ، مسئلہ کشمیر دا حل اقوام متحدہ دیاں قرارداداں اتے کشمیریاں دیاں خواہشات دے مطابق چاہندے ہئیں ۔ چھنڑ چھنڑ کوں اتھاں غیر ملکی سفارتکاراں دے کٹھ نال الیندے ہوئیں شہباز شریف انہاں گالہیں دا اظہار کیتا اتے آکھیا جو مسلم لیگ (ن) دے ماخذ علامہ اقبال اتے قائد اعظم دے افکار ہن ، اساں پاکستان کوں معتدل، اجتماعیت اتے ترقی پسند ملک ??نڑ??ونڑ سانگے کم کریند پئے ہئیں۔ انہاں آکھیاجو پاکستان اچ آئین دے تحت سارے شہریاں کوں برابر حقوق حاصل ہن ، اساکوں ماضی کوں ڈیکھ تے مستقبل سانگے کوشش کرنڑیں چاہیدی ہے ۔ انہاں آکھیاجو پاکستان کو ںسرد جنگ دے زمانے اچ اگلی صف دی ریاست دا درج?? ملیا ، 21ویں صدی اچ دہشت گر??ی اتے انتہاءپسندی دے خلاف جنگ اچ پاکستان ہک واری ولا اگلی صف دی ریاست ہے ۔ دہشت گر??ی دے خلاف جنگ اچ پاکستان دے 70 ہزار معصوم بالیں، تریمتیں ، بے گناہ شہریاں اتے سپاہیاں جاناں دے نذرانے پیش کیتے ہن ۔ پاکستان دی عوام دہشت گر??ی دے خلاف جنگ اچ اُچے حوصلے اتے غیر متزلزل عزم دا مظاہرہ کیتے، عالمی تریخ اچ ساریاں توں ودھ مہاجراں دی میزبانی دا حق وی ادا کیتا گئے ، پاکستان دی بہادر افواج نائن الیون دے بعد شروع تھیونڑآلے دہشت گر??ی دے خلاف جنگ اچ وڈیاں قربانیاں پیش کیتن، دہشت گر??ی دے خلاف جنگ اچ کامیابی سیاسی اتے عسکری قیادت دے اتحاد تے اتفاق پاروں ممکن تھئی ہے ۔ پاک فوج دے 2009ءاچ سوات آپریشن، 2014ءدے ضرب عضب اتے موجودہ ردالفساد آپریشن ??چ پاکستان دی عسکری تے سیاسی قیادت ہکوکجھ ہے ۔ انہاں آکھیا جو میں سمجھداں جو افغانستان دی امن عمل دی بحالی اشد ضروری ہے، پاکستان اچ امن تے استحکام افغانستان اچ امن نال براہ راست جڑیا ہویا ہے ۔ پاک۔چین اقتصادی راہداری منصوبے دا ذکر کریندے ہوئیں انہاں آکھیا جو سی پیک خطے اچ آپسی معاشی تعاون دی بہترین مثال ہے، لوڑ دے ویلے پاکستان دی مدد کرنڑ اُتے چین دے شکر گزار ہئیں ۔
جنوبی ایشیاءاچ چنگے مستقبل دے خواب کوں پورا کرنڑکیتے اسلحے دی دوڑ کو ں خدا حافظ آکھنڑاں ہوسی ، پاکستان مسلم لیگ (ن) دے صدر اتے وزیراعلیٰ پنجاب شہباز شریف دا غیر ملکی سفارتکاراں نال خطاب
مضمون کا ماخذ : لوٹیریا کا اطلاق
متعلقہ مضامین
