اسلام آباد۔29مئی(اے پی پی) وزيراعظم شهباز شريف وئيلي دي شپه او ورځ سخته خواري كولو سره به پاكستان سوكاله هېواد جوړوؤ د پېټرولیم مصنوعاتو په بيعو كښې اضافه مو په زړه د كانړي اېښودلو سره وكړه ولې دې سره سره مو 8 كروړه بې وزله كسانو لپاره د 28 اربه روپو سبسډي اعلان كړه٬ په بلوچستان كښې سولييزې بلدياتي ټاكنې د ډاډ وړ دي٬ د دې نه دا ثابته شوه چې په لرې پرتو سيمو كښې كښې ژوند كوؤنكې اولس په جمهوري نظام باور لري٬ محمد نواز شريف د پاكستان پرمختګ او سوكالۍ لپاره سخته خواري كړې۔ د دې خيالاتو څرګندونه ده د اتوار په ورځ په مانسهره كښې د پرمختيائي منصوبو پرانستې په موقعه لويې اولسي غونډې ته خطاب كښې وكړه۔ وزیراعظم د ائیرپورٹ او 45 کلومیټره اوږدې مانسهرہ – مظفرآباد موټروے منصوبو په شمول د يو شمېر پرمختيائي منصوبو پرانسته وكړه۔ په دې موقعه مریم نوازشریف، سېنېټر پرویزرشید، انجینئرامیرمقام، د اطلاعاتو وفاقي وزير مريم اورنګزېب ، مرتضیٰ جاویدعباسی، پخوانې اعلی وزير مهتاب عباسی او د سردارمحمدیوسف په شمول اېم اېن اېز ٬ اېم پي اېز او نور شخصيات موجود وو۔ وزیراعظم په خپل خطاب كښې ووئيل زه نن په اولني ځل په موټروے سفر كولو سره دلته راغلې يم۔ نن ما په سفر كښې دا محسوس كړه چې محمد نواز شريف په پاكستان كښې په زړه پورې موټروېز جوړې كړې دي۔ ده ووئيل د اسلام آباد مری اېکسپرېس وے څخه د تېرېدو په وخت دا احساس كېږي چې نواز شريف د پاكستان پرمختګ او سوكالۍ له څومره خواري كړې ده۔ وزیراعظم ووئيل كه پاك پروردګار موقعه راكړه نو پېښور ته به د لاهور او خېبر پختونخوا ته د پنجاب په څير د پرمختګ موقعې وركولو له ګامونه پورته كولې شي خو دې لپاره به د خېبر پختونخوا اولس له پرېكړه كول وي۔ وزیراعظم ووئيل عمران خان د يو كروړ ملازمتونو وركولو ادعا وكړه خو چا يوه نوكري هم موندلې نه ده٬ د ده په دور كښې د 30 لكه نه زيات كسان بې روزګاره شول٬ اولس سره د 50 لكه كورونو وعده وكړې شو ولې يوه خښته هم د ده په دور كښې نه ده لګېدلې۔ ده ووئيل زه تاسو سره لوظ كوم چې پاكستان به يو سوكاله او پرمختګ كړې هېواد جوړوم۔ ده ووئيل د پېټرولیم مصنوعاتو په بيعو كښې اضافه مو په زړه د كانړي اېښودلو سره وكړه ولې دې سره سره مو 8 كروړه بې وزله كسانو لپاره د 28 اربه روپو سبسډي اعلان كړه۔ ده ووئيل عمران خان د خپل حكومت په وروستيو ورځو كښې د تېلو بيعې هغه مهال ټيټی كړې كله چې هغه په نړۍ كښې زياتېدې٬ ده ته معلومه وه چې په آئيني توګه به دې له حكومت څخه بهر كولې شي ځكه ده مونږ لپاره جال خپور كړو۔وزيراعظم ووئيل زه د اولس د تكليفونو او ستونزو احساس لرم ٬ د زر تلافي اعلان په دې تناظر كښې شوې دې۔ ده ووئيل د 28 اربه روپو پېكج لاندې به 8 كروړه خلكو ته دوه زره روپۍ د مياشتې سبسډي وركولې شي۔ ده ووئيل د سبا نه به د خېبر پختونخوا په ټولو يوټېلټي سټورونو كښې د 10 كلو اوړو تروړه په 400 روپۍ ترلاسه كېدې شي۔ ده ووئيل زه د خېبر پختونخوا اعلی وزير ته خواست كوم چې هغه دې د خپلې صوبې اولس له هڅې وكړي۔ وزیراعظم ووئيل شپه او ورځ به په ځان يو كولو سره پاكستان يو سوكاله هېواد جوړوؤ۔ وزیراعظم مانسهرہ كښې میډیکل کالج، هزارې لپاره جلا الېكړك سپلائي كمپنۍ او مانسهرې لپاره د يو ارب روپو پرمختيائي پېكج اعلان كولو سره ووئيل د ميډيكل كالج جوړېدو سره به د دې ځائي كوچنيانو ته د خپلې سيمې او د هېواد د خدمت كولو موقعې وركړې شي۔ وزيراعظم ووئيل بلوچستان كښې په سولييز چاپېريال كښې بلدياتي ټاكنې كېږي په كومو كښې چې د ووټ كاروؤنكو ټرن آؤټ 20 څخه تر 35 فيصده دې۔ دا ډېره د داډ وړ خبره ده۔ ده ووئيل د دې نه دا هم ثابت شوه چې د بلوچستان لرې پرتو سيمو كښې ژوند كوؤنكې اولس په جمهوري نظام باور لري۔ دې سره سره د امنيتة وضعې ښه كېدل هم د سلامتيا په صورتحال كښې د بهترۍ عكاسي كوي۔ وزیراعظم ووئيل په راتلونكي بجټ كښې به قابلو او محنتي زده كوؤنكو ته د لېپ ټاپ وركولو منصوبه رامخې ته كوؤ۔
شپه او ورځ سخته خواري كولو سره به پاكستان سوكاله هېواد جوړوؤ٬ د وزيراعظم شهباز شريف په مانسهره كښې اولسي غونډې ته خطاب
مضمون کا ماخذ : ایزٹیک گولڈ
متعلقہ مضامین
.jpg)
