افغانستان كښې د امن او استحكام په اړه پاكستان قائدانه كردار ترسره كړے، په نړيواله كچه د پاكستاني قيادت د نقطه نظر اعتراف كيږي۔ د صدر ډاكټر عارف علوي مركه

اسلام آباد 19جنوري (اے پي پي) صدر ډاكټر عارف علوي وئيلي دي افغانستان كښې د امن او استحكام په اړه پاكستان قائدانه كردار ترسره كړے او په نړيواله كچه د پاكستان د قيادت د نقطه نظر اعتراف كيږي،هېواد كښې مېرمنو، خاص وګړو او د ځوانانو خېر ښېګړې له كوټلې اقدامات شوي، سباؤن د انفارمېشن ټيكنالوجي دے۔ صدرمملكت پخپله يوه مركه كښې د انفارمېشن ټېكنالوجۍ اهميت رامخې ته كولو سره ووئيل د آئي ټي څانګې برآمدات تر 2 اربه ډالرو ته رسولې شوي كوم چې به د سږني كال تر پائې درې نيم اربه ډالرو ته ورسي٬ سباون كښې د هېواد د نورو مصنوعاتو په مقابل كښې د آئي ټي د برآمدات زياتولو امكان دے، تر كال 27-2026 د آئي ټي برآمدات د 8 نه تر لس اربه ډالرو رسېدو هيله ده،ده ووئېل د سباون نوے صنعت آئي ټي دے او نړۍ دې ته اړتيا لري د كومې چې به پاكستان ته ډېره ګټه ورسي۔ ده د پارلمان د ډيجيټلائزېشن پحقله ووئيل دې سره به د پارلمان كاركردګي لا ښه شي۔ د افغانستان پحقله صدر ممكلت ووئيل پاكستان په افغانستان كښې امن لپاره لوے كردار لوبولے٬ افغانستان د تنها كېدو نه ساتلو لپاره ئې مرسته كړې او نړۍ ته ئې په ښه ډول وړاندې كړے۔ ده ووئيل په افغانستان كښې د امن زياته ګټه به پخپله افغانستان ته او بيا پاكستان ته رسي ٬ د هېواد په پوهنتونونو كښې د نشه اي توكو د استعمال لاره نيولو په حقله د اقدامات ذكر كولو سره صدر ووئيل ما په دې لړ كښې د جامعات وائس چانسلرز سره ملاقاتونه كړي دغسې اېچ اي سي څخه يو پاليسي هم منظور كړے شوې چې له مخې ئې په پوهنتونونو كښې خاص كمېټۍ جوړې كړې شوي چې ورته ځوانان د نشه اي توكو د لعنت نه ساتلو او په دې لړ كښې شعور بېدارولو سره سره په پوهنتونونو كښې د نشه اي توكو مخنيوي لپاره د نورو اقداماتو ذمه وارۍ هم وركړې شوي۔ د سركاري څانګو په ضد د شكايتونو ازالې لپاره د محتسب اداره د اهميت وړ ګرځولو سره صدر ووئيل دا د معاوضې نه غېر د انصاف ترلاسه كولو آسانه لاره ده چې پكښې په شكايتونو راتللو په اوسطاً 58 ورځو كښې پرېكړه كېږي٬ تېر كال يو نيم لك كېسونه ترسره كړے شوي٬ د دې پرېكړٶ پحقله هم د شعور بېدارولو اهتمام شوے دغسې چې اولس دې سهولت څخه زياته ګټه پورته كړي٬ پاكستان كښې د آن لائن تعليم رجحان پحقله صدر ډاكټر عارف علوي ووئيل دا د تعليم ارزانه لار ده، د لوړو زده كړو ودې لپاره د آن لائن سهولت زياتولو ته اړتيا ده٬ دا د پاكستان د سباٶن ضرورت دے٬ ده ووئېل اېچ اي سي د آن لائن تعليم ورومبۍ پاليسي جوړه كړې د دې سره به د تعليم په مېدان كښې ډېره بهتري راشي۔ صدر د خاص كسانو د خېرښګړې او د تعليم او تربيې د اقداماتو پحقله ووئيل مونږ هڅه كړي چې د خاص كسانو تعليم او تربيې لپاره په عامو ښونځايونو كښې د سهولت اهتمام وكړے شي، دغسې چې په عامو اولسي ځايونو د دوي رسنه آسانه كړې شي، ده ووئېل وهيل چيئرز او په اولسي ودانيو كښې ريمپس جوړولو لپاره خاص سپارښتنه شوې ، دغسې د دوي تعليم او تربيې سره سره د عزت وړ روزګار وركولو د لارې د دوي خود انحصارۍ ته هم پاملرنه كېږي ۔ پاكستان كښې د اقليتونو د حقونو پحقله صدر عارف علوي ووئيل په دې لړ كښې مثبت بدلون راغلے ، د اقليتونو د حقونو تحفظ پحقله زياته بهتري راغلې ٬ په دې لر كښې شعور بېدار شوے ، په اعليٰ كچه په سمدستي توګه كاروائي كېږي٬ ده ووئېل د سيالكوټ پېښې په اړه په مجموعي توګه د پاكستان غبرګون د مثبت پېشرفت عكاسي ده، د دې برعكس په هند كښې د مسلمانانو نه پس اوس نورو اقلتيونو سره هم ناروا سلوك كېږي۔ د مېرمنو د حقونو د تحفظ پحقله صدر مملكت ووئيل په دې لړ كښې كښې ما خپله او بېګم ثمينه علوي ډېره خواري كړې ، مېرمنو ته وراثتي حقونه وركول لوي چېلنج دے ٬ دې مقصد لپاره قانون سازي او د قانون نافذ كولو لپاره كار شوے، دغسې د مېرمنو تعليم او تربيې ته هم پام كېږي ، دغسې د مېرمنو هنر مندې جورولو سره سره خپل كاروبار پېل كولو لپاره د اسان قرض وركولو په صورت مالي مرسته هم روانه ده۔ ده ووئيل د دې خبرې خاص اهتمام كېږي چې مېرمنې د حكومت لخوا د وركړے شوو سهولتونو نه خبر كړے شي دغسې چې دوي د دې سهولتونو څخه استفاده وكړي٬ ده ووئېل د مېرمنو د برېسټ كېنسر پحقله د بېګم ثمينه علوي په سرپرستۍ كښې د شعور بېدارولو د كمپائن مثبت اثرات مرتب شوي، زر تر زره د تشخيص په سبب د درملنې امكانات زيات شوي، مېرمنو او د خاص كسانو خېرښګړې لپاره چې په تېرو دوو دريو كالو كښې څومره كار شوے د دې نه وړاندې نه دے شوے ٬ په دې عمل كښې د علماﺀ كرامو مرسته هم ترلاسه ده، دا پاكستان لپاره لوي او مثبت پېشرفت دے۔ ده ووئيل مونږ ټولنه كښې د روزګار موقعې زياتولو ته پام لرنه كوٶ، برآمدات او د تعميرات په څانګه كښې د نمو په زړه پورې اثرات مرتب شوي۔ صدر مملكت ووئيل د وزيراعظم عمران خان د فلاحي رياست تصور پحقله د كامياب جوان او كامياب پاكستان پروګرامز مهم پېشرفت دے د كوم له مخئ چې كاروبار لپاره د سود نه غېر قرض وركړے كېږي، ده ووئېل د معيشت بهترۍ لپاره هرې طبقې ته د ترقۍ او مخ په وړاندې تللو موقعې وركول پكار دي۔ صدر ډاكټر عارف علوي د الېكټرانك ووټنګ پحقله ووئيل په سباٶن كښې به ووټنګ آن لائن كېږي، عام انتخابي عمل د شخړو او پېچلتيا څخه ساتلو لپاره به الېكټرانك ووټنګ بهترين حل ثابت شي، د آن لائن ووټنګ سهولت په سبب به اورسيز پاكستانيان هم خپل ووټ كاسټ كړے شي، په دې لړ كښې ټولو شراكت دارو سره په ګډه هوم ورك شوے۔ ده ووئېل د 2021 كال پاكستان لپاره د آزمېښت كال ٶ، د كوويډ-19 او د دې معاشي اثراتو په تناظر كښې د پاكستان او د اولس عزم مثالي ٶ، په دې اعتبار مونږ ځانګړۍ كاميابۍ ترلاسه كړي۔ ده ووئيل د وزيراعظم عمران خان په مشرۍ كښې پاكستان د كرونا په ضد جنګ كښې د كاركردګۍ څرګندونه كړې ، دغسې په فكري اعتبار سره هم د پاكستان قيادت مهم كردار لوبولے ٬ د وزيراعظم عمران خان د مذهب د تقدس پحقله د نقطه نظر په نړيواله كچه اعتراف شوے ، ده ووئېل د روسيه د صدر اوسنے بيان د دې واضح ثبوت دے۔ ده ووئيل د كرونا په ښه ډول مخنيوے شوے خو په نړيواله كچه د رامخې ته شوو بندېزونو اثرات پاكستان كښې ضرور څرګند شوي۔ صدر مملكت د پنشنرز سهولت لپاره د ترسره شوو اقداماتو رامخې ته كولو سره ووئيل د آن لائن سهولت په سبب پنشنرز ته ډېر ريليف ترلاسه شوے