اسلام آباد۔9 اګست(اے پی پی) صدر مملكت ډاكټر عارف علوي وئيلي دي د انفارمېشن ټېكنالوجي له امله په نړۍ کښې د جدت نوے دور پېل کیږي ۔ پاكستان په تندۍ سره د پرمختګ پړاؤنو نه د تېرېدلو بشپړ صلاحيت لري۔ دې مقصد لپاره ډیجیټلائزېشن سره په وخت د شوو اړوندو پرېكړو او تيارۍ د لارې په جدت اډانه بدلونونو سره همغږي راپېدا كولو ته اړتيا ده۔ هغه د ګل په ورځ ايوان صدر كښې ډیجیټل ګورنمنټ سمټ ته خطاب كولو۔ په دې موقع د زده كړو او پېشه ورې تربيې وفاقي وزیر شفقت محمود ، د انفارمېشن ټېكنالوجي وفاقي وزير سید امین الحق ، د رېلوے وفاقي وزیر اعظم سواتي، پبلك سېكټر لپاره د ګوګل كلاؤ اېم ډي (ایشیا پېسفک) پاول ولسن او د ټېك وېلي پاكستان سي اي او عمر فاروق هم سمټ ته خطاب وكړو۔ د انفارمېشن ټېكنالوجي او ډيجيټل پالېسۍ پوهانو نه علاوه د ګوګل كلاؤډ چارواكو هم سنګاپور څخه د وېډيو لنك د لارې خطاب وكړو۔ صدر ووئيل نړۍ كښې تندۍ سره بدلونونه رامخې ته كېږي كومو سره همغږي راپېدا كولو سره چې پاكستان د پرمختګ پړاؤنو څخه تېرېدے شي۔ صدر عارف علوی ووئيل پرمختګ كوؤنكي هېوادونه نوې ټېكنالوجي څخه استفاده كولو سره د زده كړو نظام غوره جوړولې شي۔ هغه ووئېل د کورونا وبا په مهال دې د زده كړو عمل روان ساتلو له نوې مواصلاتي ذريعې وكارولې شي ۔ په دې صورتحال كښې د انفارمېشن ټېكنالوجي اهميت لا زيات شوے۔ صدر ووئيل د ټېكنالوجي له امله يو بل سره تعلق زيات شوے او نړۍ يو كلے ګرځېدلے ۔ صدر ووئيل كومو هېوادونو چې پرمختګ كړے دا ئې زياتره د ټېكنالوجي په بنياد كړے۔ پاكستان هم نړۍ كښې كښې تندۍ سره رامخې ته كېدونكو بدلونونو سره همغږي پېدا كولو سره ډېر زر د پرمختګ په زغل كښې شاملېدے شي۔ صدر ووئيل پاكستان د پرمختګ كولو صلاحيت لري ٬ دې مقصد لپاره به سمارټ پرېكړې كول وي۔ هغه ووئيل پاكستان د كورونا وبا په مهال د سمارټ پرېكړې په كولو غوره مثال جوړ كړے ۔ په دې موقع د انفارمېشن ټېكنالوجي وفاقي وزير سيد امين الحق د ډیجیټل پاکستان په اړه د اوسني حكومت وژن په ډاګه كولو سره ووئيل زما وزارت به بلاک چین ټیکنالوجی ، مصنوعی ذهانت ، او د صنعتی مسئلو حل او د سمارټ سټيز جوړولو په ډول څانګو كښې نوې ټېكنالوجي كارولو له ګوګل کلاؤډ او ټېك وېلي سره په ګډه كار كوي۔ هغه ووئيل د كووډ – 19 لاك ډاؤن چېلنج په امكان بدلولو له انفارمېشن ټېكنالوجي د روغتيا ٬ زده كړو او فنانس ترمينځه آسانو رابطو له مهم ګامونه پورته كړي۔ هغه ووئيل دا مهال نزدې 10 كروړه وګړي د براډ بېنډ آسانيو نه استفاده كوي۔ وفاقی وزیر ووئيل فائيو جي سروس به سږ كال دسمبر مياشت كښې معرفي كړے شي۔ دغسې په ابتدائي توګه به سركاري ملازمانو لپاره د واټس اېپ په ډول يو موبائل چېټ پلېټ فارم هم معرفي كړے شي۔ د زده كړو او پېشه ورې تربيې وفاقي وزير شفقت محمود ووئيل د كووډ -19 نه وروستو پاكستان كښې تعليمي نظام كښې د ټي وي او رېډيو سكولز د لارې فاصلاتي نظام معرفي شو۔ هغه ووئيل د زده كوؤنكو آسانۍ له به ګوګل كلاؤډ او ټېك وېلي سره په ګډه د تدرسي آسانيو رسنې منصوبه پېل كړې شي۔ اېشيا پېسفك لپاره د ګوګل كلاؤډ اېم ډي پال ولسن د وېډیو لنک د لارې خپل خطاب كښې ووئيل ګوګل سرکاری ادارو سره په روانو حالاتو او په خاص توګه د کووډ۔19 په صورتحال كښې اقتصادي پرمختګ لپاره مرسته كوي۔ هغه په دې خبره د خوشحالۍ څرګندونه وكړه چې د پاكستان حكومت د ملازمانو او ادارو كاركردګۍ ښه كولو له د سركاري څانګې فعاله كولو هڅې كوي۔ هغه ووئيل په بېلو څانګو كښې حكومت د ګوګل مهارت نه استفاده كولې شي۔ په دې موقع د ټېك وېلي پاكستان چيف اېګزېكټو آفيسر عمر فاروق ووئيل ګوګل کلاؤډ او د آئي ټي وزارت د همكار په حېث د هغه كمپني د ټېکنالوجی کلچر ته وده وركوي كومه به چې اقتصادي پرمختګ له مرستياله وګرځي۔ هغه ووئيل ټېك وېلي تر دې دمه 8 زره پروفېشنلز ته تريبه وركړې او بېلو څانګو كښی تربيې له ئې 5 زره وركشاپس منقعد كړي
د انفارمېشن ټېكنالوجۍ له امله په نړۍ کښې د جدت نوے دور پېل کیږي ، پاكستان نړۍ كښې تندۍ سره رامخې ته كېدونكو بدلونونو سره د همغږۍ په راپېدا كولو ډېر زر د پرمختګ په زغل كښې شاملېدے شي۔ د صدر ډاګټر عارف علوي ډيجيټل ګورنمنټ سمټ ته خطاب
مضمون کا ماخذ : apostas lotomania
متعلقہ مضامین
