اسلام آباد۔7اپریل (اے پی پی):وزیر اعظم عمران خان آکھیے جو افغان تصفیہ دا سیاسی حل ضروری اے،رشین فیڈریشن توں تجارت،ریلوے،ہوابازی سودھے ٻئے شعبہ جات اچ تعاون دے خواہش مند ییسے۔ٻدھ کوں پاکستان دے دورے تے آئے روسی فیڈریشن دے وزیر خارجہ سرگئی لاروف وزیر اعظم عمران خان نال ملاقات کیتی۔ملاقات اچ پاک روس ݙوطرفہ تعلقات اتے علاقائی اتے عالمی اہمیت دے امور تے ڳالھ مہاڑ کیتی ڳئی ۔وزیر اعظم جون اچ بشکیک اچ شنگھائی تعاون تنظیم دے سربراہی اجلاس دے موقع تے صدر ولادیمیر پوٹن دے نال آپݨی ملاقات دا ذکرکیتا ،جتھاں انہاں ݙو پاسے تعلقات کوں ہک نویں سطح تے گھن ونڄݨ دی خواہش تے زور ݙتا ہئی۔ وزیر اعظم ہک اہم خارجہ پالیسی دی ترجیح دے طور تے روس دے نال اپݨے تعلقات دی اہمیت دا اعاد?? کیتا۔ انہاں ݙوطرفہ تعلقات اچ استحکام تے اطمینان دا اظہار کیتا ، ??یں اچ تجارت ، توانائی ، سلامتی اتے دفاع اچ گہرا تعاون شامل اے۔وزیراعظم “پاکستان اسٹ??یم” (شمالی جنوب) گیس پائپ لائن منصوبے کیتے مطلوبہ قانونی عمل کوں تکھےمکمل کرݨ تے وختی کم شروع کرݨ دے عزم دا اعاد?? کیتا ۔ملاقات اچ توانائی ، صنعتی جدت، ریلوے اتے ہوا بازی دے شعبیں اچ ݙوطرفہ تعاون کوں ودھاوݨ تے ڳالھ مہاڑ کیتی ڳئی ،ایں ڳالھ تے اتفاق کیتا ڳئے جو اجوکے سال دے چھیکڑ اچ ماسکو اچ تھیوݨ آلے بی?? الحکومتی کمیشن (آئی جی سی) ایں تناظر اچ مخصوص تجاویز اتے منصوبیں کوں پیش کریسن کوڈ 19وبائی امراض دے ذریعہ درپیش صحت اتے معاشی چیلنجاں تے ڳالھ مہاڑ کیتی ڳئی ۔وزیر اعظم روس کوں کرونا ویکسین بݨاوݨ تے مبارخ ݙتی اتے ایں ضمن اچ پاکستان دے منصوبیں تے زور ݙتا ۔وزیر اعظم صدر پیوٹن کوں دورہ پاکستان دی دعوت دا اعاد?? کیتا۔
