فېصل آباد۔1جنوری(اے پی پی) د اطلاعاتو او خپرونو وزير مملكت فرخ حبيب وئيلي دي چې د يوې مخصوص ډلې لخوا نواز شريف سره د كوم ډول ډيل تاثر وركولې شي خو ټول دې په دې پوهه شي چې نواز شريف سره كوم ډيل نه دې روان٬ هرکله چې هغه پاکستان ته راشي د اډیاله زندان يو وېن به په په هوایی ډګر د هغه د اخیستلو لپاره ولاړ وي۔ د خالي په ورځ په فېصل آباد كښې د بېلو پرمختيائي منصوبو جاج اخستو نه وروستو ميډيا سره خبرو كشې هغه ووئيل د حکومت په معاشي پالېسيو ټكونه كوؤنكي دې خبر شي چې د ملګرو ملتونو په شمول نړيوالو ادارو دا خبره په ډاګه كړې ده چې پاكستان د کووډ باوجود د خپلو معاشي او اقتصادي پالېسيو په سبب تر ټولو وړاندې دې۔ هغوي د وزيراعظم عمران خان په زړه پورې حكمت عملي او په خاص توګه د سمارټ لاك ډاؤن پالېسي ستائلې ده٬ بلخوا د خوشحالۍ خبره دا ده چې د تېر كال 2021 د دسمبر مياشتې تر 31 مې نېټې د 7 كروړه وګړو د وېكسي نېشن چې كوم هدف ټاكلې شوې هغه لويې كاميابۍ سره ترسره كړی شوې دې كوم لپاره چې اسد عمر ٬ ډاكټر فېصل سطلان ٬ اېن سي او سي ٬ د روغتيا څانګه ٬ وېكسي نېشن سېنټر عمله او د روغتيا څانګې فيلډ سټاف د ستائنې وړ دي۔ هغه ووئيل دا تاثر وركولې شي چې وېكسي نېشن د عطيو په توګه ترلاسه شوي دي حال دا دې چې پاكستان حكومت د دې په اخستلو دوه اربه ډالره مصرف كړي دي او اوس لا نور هم راغوښتلې شي۔ هغه ووئيل اولس لپاره د نوي كال په پېل تر ټولو لويې زېرې په پنجاب كښې د هېلت كارډ جاري كیدل دي په كوم چې د حكومت لخوا 400 اربه روپۍ مصرف كولې شي۔ دې څخه به د پنجاب 3 كروړه كورنۍ استفاده وكړي۔ هغه ووئيل يوازې په پنجاب صوبه نه بلكې په ګرد هېواد كښې هېلت سسټم اپ ګرېډ كولې شي۔ هغه ووئيل پنجاب حكومت سوئيلي پنجاب او نورو ضلعو لپاره د ډسټرکټ ډوېلپمنټ پېكج لاندې 360 اربه روپۍ مصرف كوي۔ د دې په مقابله كښې مسلم ليګ نون په خپل پنځ كلن دور كښې 650 اربه روپۍ يوازې په لاهور مصرف كړې وه۔ هغه ووئيل كه نواز شريف ٬ شهباز شريف يا زداري دې په ټولو د كرپشن كېسونه دي ولې په عمران خان څوك د كرپشن د يوې پېسې تور لګولې نه شي۔ هغه ووئيل وزيراعظم عمران خان په اسلامي نړۍ كښې د اسلام حقيقي ترجماني كوي له دې كبله د روسيه صدر هم د ده رائې سره اتفاق كړې وو چې د رائې آزادۍ د لارې د چا د مذهبي جذباتو د مجروح كولو اجازه وركولې كېدې نه شي۔ هغه ووئيل د هېواد په تاريخ كښې په اولني ځل 10 نوې ډېمونه جورولې شي چې ورسره به 10 زره مېګاواټه ارزانه برېښنا جوړه شي او كركيلې له به په لويه كچه اوبه ترلاسه شي۔ هغه ووئيل بلاول بھټو زرداري د خپلې مور او نيكه ذوالفقار علی بھټو د مشن نه لرې د كرپټ پلار په مشن روان شوې دې۔ فرخ حبیب ووئيل اېل این جی، د خوراك تېل او پټرول بهر نه درآمد كولې شي ځكه د دې بيعې په نريواله كچه زياتېدو يا كمېدو سره دلته زياتېږي كمېږي۔ هغه ووئيل حكومت اولس ته د ريليف وركولو هڅې كوي او دې لپاره ټول ترلاسه وسائل كارولې شي۔
نواز شريف سره كوم ډيل نه دې روان٬ هرکله چې هغه پاکستان ته راشي د اډیاله زندان يو وېن به په هوایی ډګر د هغه د اخیستلو لپاره ولاړ وي٬وزير مملكت فرخ حبيب
مضمون کا ماخذ : ڈریگن اسپن
متعلقہ مضامین
.jpg)