كه په عمران خان كښې همت٬جرات او حوصله وي نو هغه دې اووئي چې كومو ايجنسو او خلقو د مسلم ليګ(ن)او پي پي پي په اړه بريفنګز او رپورټس وركړي؟د چيف الېكشن كمشنر ګارنټي چا وركړی؟هغه په هره اداره كښې جاوېد اقبال غواړي۔مريم اورنګزېب

APP48-190822 ISLAMABAD: August 19 - Federal Minister for Information and Broadcasting, Marriyum Aurangzeb addressing a press conference. APP

اسلام آباد19اګست (اے پي پي)د اطلاعات او خپرونو وفاقي وزيرې مريم اورنګزېب وئېلي دي كه په عمران خان كښې همت٬جرات او حوصله وي نو هغه دې اووئي چې كومو ايجنسو او خلقو د مسلم ليګ(ن)او پي پي پي په اړه بريفنګز او رپورټس وركړي؟د چيف الېكشن كمشنر ګارنټي چا وركړی؟هغه په هره اداره كښې جاوېد اقبال غواړي٬عمران خان دې په هېواد كښې تماشا راجوړول بنده كړي٬هغه 22 كاله په غلط بياني كولو سياست كړے٬د عمران خان نه چې كله هم پوښتنه وشي هغه ځواب نه وركوي٬هغه وائي چې زه د كوم قانون په وړاندې ځواب وركونكے نه يم۔د جمعې په ورځ پرېس كنفرنس ته د وېنا كولو په مهال مريم اورنګزېب ووئيل عمران خان نور شوكمار او ځان فرشته ګڼي٬هغه تر 22 كاله د اسلامي ټچ د لارې د سياست كولو هڅه كړې٬د عمران خان هره خبره كښې منافقت٬دروغ او ډرامه بازي ده۔د اطلاعات او خپرونو وفاقي وزيرې ووئيل عمران خان پرون د مېډيا په سېمينار كښې وئېلي وو چې ماته د مسلم ليګ(ن)او پيپلز پارټي په اړه ايجنسو بريفنګ راكړے ؤ ٬هغه دا هم وئېلي دي چې ماته د چيف الېكشن كمشنر په اړه هم ايجنسو ګارنټي راكړې وه نو عمران خان دې اووئي چې كومو ايجنسو او كوم كس رپورټونه او بريفنګ وركولو۔دې ووئيل عمران خان دې ډرامې٬تماشې او دروغ وئېل بند كړي٬كه چرې په هغه كښې همت٬حوصله او حرات وي نو نامه دې واخلي چې د كومې ايجنسۍ كوم كس هغه ته د پي پي پي او(ن)ليګ په اړه پورټس لیږل او بريفنګ به يې وركولو او هغه ته چا د چيف الېكشن كمشنر په اړه ګارنټي وركړی وه؟۔د اطلاعات وزيرې ووئيل عمران خان ته چا د فارن ايجنټ او پاكستان تحريك انصاف ته د فارن ايډډ پارټۍ ډيكليئر كولو ګارنټي وركړی وه؟۔دې ووئيل عمران خان نه چې كله هم پوښتنه وشي هغه ځواب نه وركوي٬هغه وائي چې زه د كوم قانون په وړاندې ځواب وركونكے نه يم۔دې ووئيل كه الېكشن كمېشن د عمران خان نه پوښتنه وكړي نو ځواب نه وركوي٬نېشنل كرائم ايجنسي د هغوي د تورونو ثبوت وغواړي نو وائي چې مونږ سره د شهباز شريف په ضد ثبوت نشته٬لاهور هائي كورټ٬اسلام آباد هائي كورټ او سپريم كورټ د عمران خان څخه د لګولے شوو تورونو ثبوت چې وغواړي نو وائي چې مونږ سره ځواب نشته٬ دې ووئېل كه اېف آئي اے٬اپوزېشن٬مېډيا٬پارليمنټ د هغه څخه پوښتنه وكړي نو وائي چې زه ځواب نه دركوم۔د اطلاعات وفاقي وزيرې ووئيل درې ځله منتخب وزيراعظم نواز شريف د خپلې لور سره د هېواد په تاريخ كښې په وړومبي ځل د بې بنسټه تورونو په بنياد ځواب وركولو٬جج ارشد ملك هر څه وئېلي وو٬هغه ته معلومه وه چې په نواز شريف لګولې شوېيټول تورونه بې بنسټه وو٬نواز شريف ځواب وركړے ؤ ٬هغه ته پته وه چې هغه د يوې ټكې كرپشن نه دے كړے۔دې ووئيل چعمران خان د شهباز شريف په ضد كومه اداره او كوم دوست هېواد پرېښودے ۔دې ووئيل عمران خان بې ګناه خلق په زاندانونو كښې اچولې او نن وائي چې ماته نه وه پته٬ماته به ايجنسو بريفنګ راكولو۔دې ووئيل نواز شريف او شهباز شريف د خپل ځان په ضد د دروغو تورونو ځواب وركړے٬مريم نواز د دروغو په تورونو د خپل سر اوچتولو لپاره زندان قبول كړے ؤ ٬چرته ده بشریٰ بي بي او فرح ګوګي٬ هغوي ځواب ولې نه وركوي؟۔دې ووئيل عمران خان دې د پنجاب ګوډاګې وزيراعلٰی ته وائي چې شهباز ګل د زندان څخه راويستلے شي٬هغه زما په وېنا ټرانسكرپټ لوستے ٬په دې كښې د شهباز ګل غلطي نشته۔دې ووئيل عمران خان د سېلاب په نامه فنډ ريزنګ كړے٬د شوكت خانم په نامه فنډز ترلاسه كړے شوے ٬هند٬اسرائيل٬امريكا٬كاناډا څخه فنډنګ اخستے شوے او دا فنډنګ يې د خپلو سياسي مقاصدو لپاره كارولے ٬عمران خان له به په دې فنډنګ ځواب وركول وي۔دې ووئيل عمران خان ګښې د دروغو وئېلو ډېر همت او حوصله ده۔دې ووئيل عمران خان په خيال كښې هغه يواځې جمهوريت خوښے دے نور ټول غېر جمهوري خلق دي۔كه چرې هغه په اقتدار كښې وي نو هېواد مستحكم دې او چې هغه د اقتدار نه بهر وي نو هېواد ته د اور لګولو او تقسيم كولو خبره كوي۔دې ووئيل عمران خان د هېواد معيشت تباه كړے٬خلق يې بې روزګاره كړي٬ګراني ئې راوستې ځكه چې د هغوي ترجيح دا څيزونه سمول نه وو او چې كله بل حكومت راغلو نو هغه ووئيل بهر هېواد نه سازش شوے۔دې ووئيل عمران خان يو پلو د ټاكنو خبره كوي او بل پلو هغه دا حكومت منلو ته تيار نه دے نو بيا به ټاكنې څنګه منې۔دې ووئيل كه ټاكنې ده كولې نو هغه وخت به ئې كړې وې كله چې هغه سره اختيار ؤ ٬هغه پخپله وزيراعظم ؤ ٬هغه سره پنجاب٬خېبرپښتونخوا او د وفاق حكومتونه وو٬هغه به اسمبلۍ تحليل كړې وه چې زما په ضد سازش شوے او زه ټاكنو پلو ځم ۔د پیټروليم منصوعات بيعو په اړه د يوې پوښتنې په ځواب كښې وفاقي وزيرې ووئيل د خزانې وفاقي وزير مفتاح اسماعيل په دې اړه په تفصيلي توګه خبرې كړې ٬تېره مياشت چې كله د ډالر بيعه زياتېده نو حكومت د پېټرول بيعه كمه كړی وه۔د يوې پوښتنې په ځواب كښې دې ووئيل چرته چې د قانون خلاف ورزي شوې د هغې حساب به اخستلے شي كه هغه عمران خان وي يا شهباز ګل

مضمون کا ماخذ : کلیوپیٹرا