اسلام آباد 26 مئي (اے پي پي) وزيراعظم شهباز شريف وئيلي دي عمران نيازي دې په كومه خوش فهمۍ كښې نه اوسي٬ مونږ ته ډکټېشن نشي راكولے، اليکشن كله كول دي پرېكړه به اتحادي حكومت او ايوان كوي، د صوبائي حکومت د مشر په معاونت سره ئې په وفاق بريد كړے٬ يو ټولګي يا ګوند ته د آئين نه د بغاوت حق نشي وركړے كېدے، په پاٶ كم څلورو كالو كښې عمران نيازي د كنځلو كولو نه سېوا هېڅ نه دي كړي٬ د معيشت بېړه ئې غرقه كړې٬ په ټولنه كښې ئې تقسيم در تقسيم راپېدا كړے، عدليه او ادارې بدناموي٬ د بېليون ټري سونامي ناسمه ادعا كوٶنكو په اسلام آباد كښې اونو ته اور لګولے٬ مذهب ذاتي مقاصدو لپاره د استعمالولو چې څومره غندنه وشي لږه ده، عمران نيازي د وسائلو نشتوالي باوجود پټرول او د ډيزل بيعه په ټيټولو مائنونه ښخ كړي٬ د انتخابات (بدلون) بل منظورۍ سره د سپېځلي الېكشن بنياد اېښودے شوے٬ چپه كېدونكے معيشت به سنبهالوٶ٬ پاکستان عظيم هېواد جوړولو لپاره به ځان قربانوٶ٬ ياسين ملك ته په ناسمه مقدمه كښې د سزا وركولو غندنه كوٶ٬ پاکستان به د ياسين ملك سزا په ضد او د ملګرو ملتونو د قرارداد له مخې کشميريانو سره د خپلواكۍ حق لپاره اوږه په اوږه ولاړ وي۔ د زيارت په ورځ قامي اسمبلۍ ته خپلې وېنا كښې وزيراعظم ووئيل د اپرېل لسمه نيټه كال 2022 تاريخ ساز ورځ وه٬ په وړومبي ځل د پاكستان په تاريخ كښې د آئين او قانون روح له مخې د عدم اعتماد قرارداد كامياب شوے ٬ د آئين له مخې او د ايوان په منشا او ووټونو سره نوے حكومت قائم شوے٬ نه څوك په دېوال راوړېدلي٬ نه ګرفتارۍ شوي او د پاكستان او دې ايوان عزت او توقير كښې اضافې شوې۔ ده ووئيل دا ټولې ادارې د پارلمان نه راوتې دي ٬ دا د دوي مركز دے٬ ايا يوې ډلې يا ګوند ته د ډانګو او كاڼو د لارې د آئين نه د بغاوت حق وركړے كېدے شي چې ھغوي آئين تهس نهس كړي۔ ده ووئيل په 11م اپرېل سوګند پورته كوٶنكي د وخت اتحادي حكومت دوه هدفونه لري٬ يو په سپېځلې ډول الېكشن كول كوم لپاره چې نن بل په ايوان كښې وړاندې كړے شوے٬ د دې بل په منظورۍ ايوان له مباركي وركوم٬ ده ووئېل د بل په منظورۍ د سپېځلي الېكسن بنياد اېښودے شوے٬ په دې د ټولو مشرانو او غړو مننه كوم٬ د سپيكر هم مننه كوم چا چې په دې بحث شروع كړے ۔ دوېم هدف چپه كېدونكے معيشت راپورته كول دي٬ دا يو سخت كار دے خو د نړۍ تاريخ ګواه دے كله چې هم حالات سخت او چېلنجونه زيات وي نو هم په ھغه هومره قوت او خوارۍ كار كول وي او هله د حالاتو رخ بدلېدے شي٬ ده ووئېل قرآن کريم او اسوه حسنهۖ څخه هم د دې خبرې درس ترلاسه كېږي چې خوارۍ سره كار كوې نو وړاندې به ځې٬ دې هدفونو لپاره شپه او ورځ كار كوٶ۔ وزيراعظم ووئيل ھغه مناظر اوس هم زمونږ د سترګو وړاندې دي چې د دهرنو له امله د چين صدر دوره ځنډولې شوې وه ٬ حالانکه د چين سفير هم عمران نيازي ته دا پېغام وركړے ٶ چې د چين صدر پاكستان ته راروان دے ٬ دې لپاره د دهرنې ځاے خالي كړې خو عمران انكار كړے ؤ ۔ وزيراعظم شهباز شريف ووئيل ما د كروټ پن برېښنا منصوبې دوره كړې ٬ دا د 720 مېګاٶاټ برېښنا منصوبه ده٬ كه په كال 2014 كښې په دې لړ كښې په لوظنامه لاسليك شوے ؤ نو دا به يو كال وړاندې بشپړه شوې وه او پاكستان ته به 700 مېګاٶاټ برېښنا ترلاسه شوې وه ۔ شهباز شريف ووئيل د دهرنو څخه قامي تشخص ته زيان رسېدلے ٬ كله چې مونږ د هېواد د معيشت بېړۍ راپورته كولو لپاره هڅې پېل كړي نو بيا د دهرنو او ډي چوك ته د رسېدو خبرې پېل شوي۔ ده ووئيل عدليه او ادارې بدنامولې شي٬ پرون چې سپريم كورټ كله پرېكړه وكړه نو مونږ په دې د خلې نه اف قدرې نه دې وېستلے او عمران نيازي وائي چې كه فلانے چيف جسټس زما كېس واوري نو زه ورته چمتو يم٬ دا د هغه عادت دے چې كه پرېكړه ئې په حق كښې وي نو په هغه ښه لګي او كه په ضد ئې وي نو ادارو ته ناوړه خبرې شروع كوي٬ قام به تر څو دا برداشت كوي٬ كه دا سلسله جاري وه نو بيا به د پرمختګ او سوكالۍ لاره جام شي۔ ده ووئيل په درې نيمو كالو كښې اپوزيشن ته كنځل شوي٬ نن دا ايوان ٬ آصف علي زرداري٬ بلاول بھټو زرداري٬ مولانا فضل الرحمان٬ اختر مېنګل٬ خالد مګسي٬ خالد مقبول صديقي٬ چوهدري سالك حسېن او مولانا اسعد محمود پرېكړه كوي چې مونږ له د دې فتنې لاره نيول دي٬ 126 ورځې په ډي چوك كښې تماشا لګولې شوې وه او اوس يو ځل بيا د خونړي مارچ خبرې شوي او ټولګے ئې اسلام آباد ته راوستے ٬ ده ووئېل د خېبرپښتونخوا وزيراعلي د پوليس سره دلته راغلے ٬ كله داسې شوي چې يوه صوبه په وفاق بريد كوي٬ د يوې صوبې د حكومت مشر په معاونت په وفاق بريد شوے٬ په يو مذهب ټولنه كښې د دې اجازه نشي وركړې كېدې۔ وزيراعظم ووئيل هر چا ته علم ؤ چې په 25م مئي د هند ظالم او جابر واكمن عظيم کشميري ليډر ياسين ملك ته په ناسمه مقدمه كښې سزا اوروٶنكے دے٬ عمران نيازي د دې هېڅ خيال ونه ساتلو٬ په دې لړ كښې ھغه د دې ورځ نه علاوه بله ورځ هم منتخب كولې شوه٬ خو ھغه د شهيدانو او كشميريان پرواه نه لري۔ وزيراعظم ووئيل ياسين ملك د يوې عظيمې مور زوے دے٬ ټول ايوان د هغه د سزا كېدو غندنه كوي٬ د ده كورودانې او لور ته باور وركوم چې پاكستان به د ياسين ملك د سزا په ضد او د ملګرو ملتونو د قراردادونو له مخې د كشميري اولس د خپلواكۍ حق سره اوږه په اوږه ولاړ وي۔ وزيراعظم ووئيل د قائد پاكستان ته خطرې رامخې ته دي خو دا واضح كول غواړم چې عمران نيازي ډکټيشن به نه چلېږي٬ مونږ له سپېځلې ټاكنې كول دي او دا ټاكنې كله كول دي د دې پرېكړه به دې ايوان له كول وي۔ ده ووئېل عمران نيازي دې دا نه هېروي چې د خبرو اترو دروازې بېرته دي٬ كمېټي هم جوړولې شم خو كه ته ډکټيشن وركوې او د يرولو هڅه كوې نو دا ډكټېشن پخپل كور كښې وركوه ٬ ايوان ته به نه وركوې٬ مونږ به دا ډکټيشن نه قبولٶ۔ ده ووئيل ستونزې او چېلنجونه موجود دي خو مونږ عزم لرو٬ پاکستان عظيم هېواد جوړولو لپاره به ځان مړ كړو٬ ده ووئېل په اتحاد٬ اتفاق او په خوارۍ به 22 كروړه اولس له مقام به دوي له بېرته وركوٶ۔
عمران نيازي مونږ ته ډکټېشن نشي راكولے. د وزيراعظم شهباز شريف قامي اسمبلۍ ته وېنا
مضمون کا ماخذ : ڈاگ ہاؤس
متعلقہ مضامین
.jpg)
